இரவைக்
கவிதையாக்குபவள் நான்,
இரவின் மீதங்களைக்
கவிதையாக்குபவன் நீ.
# என் வெட்கங்களின் பிரம்மா நீ.

உன் காதல்
மௌன விரதம் இருப்பதால்,
என் காதல்
பட்டினி விரதம் இருக்கின்றது.
# நானும், உனக்கான என் காதலும்

உனக்கு, என்னைத் தெரியவில்லையா?
இல்லை, காதலிக்கவும் தெரியவில்லையா?
# நானும், உனக்கான என் காதலும்

உன் விரல் நுனி மின்சாரத்தில்
ஒளிர்பவள் நான்.
# என் வெட்கங்களின் பிரம்மா நீ

நம் தேன்நிலவு நிமிடங்களை
இரவு ஒட்டுக் கேட்கிறது,
நிலவு உளவு பார்க்கிறது.
# நம் தேன்நிலவு நாட்கள்