உன் முகத்தில் தெரியும்
அந்த சிறு அமைதியில்
என் அத்தனைப் போர்க்களங்களிலும்
பூக்கள் பூத்துப் போகின்றன

நீ வைத்திருக்கும்
மல்லிகைப் பூக்களின்
வாசத்திற்கும் சேர்த்து
நான் மயங்கிப் போகிறேன்

வெட்கத்தின் உண்மையான அழகு
நீ வெட்கப்படும்போதுதான் ஒளிரும்

நான் தேடும் அமைதி உன்னில்
நீ தேடும் காதல் என்னில்

நாளைக்காவது உன்னைக் காண்பேனா?
நீ இல்லாத நெருப்பு நிமிடங்கள்
என்னைத் தின்றது போதும்

உன் நினைவுகளில்
நானும், என் இரவு வினாடிகளும்
தொலைந்து போகின்றோம்

உலகின் மிக அழகான பூ எது?
என்னுடைய இன்றைய பதில்:
(நீ சூடியிருக்கும்) மல்லிகை