காதல் தந்த பரிசு நீ,
நீ தந்த பரிசு உன் வெட்கம்
- நீ, நான், காதலெனும் வைபோகம்

நீ, உன் வெட்கம்
யாரை முதலில் காதலிப்பது?
- நீ, நான், காதலெனும் வைபோகம்

காதலுக்கு நீயும்,
காதலிக்க நானும்
புத்தம் புதியவர்கள்
- நீ, நான், காதலெனும் வைபோகம்

புடவையை அடகு வை, உன்னை மீட்டுக்கொள்
உன்னை அடகு வை, புடவையை மீட்டுக்கொள்

நாவில் இனிப்பில்லை
உன் பெயரைச் சொல்லிக் கொள்கிறேன்,
இதழ்களில் இனிப்பில்லை
என்ன செய்வதடி !!!

கடந்த நொடியை விட
இன்னும் இனிக்கிறது இந்த நொடி,
இன்னொரு முறை சொல்லேனடி என் பெயரை
- என் கவிதைகளும், ஒரு பெண் கவிதையும்

என் இரவெங்கும் இனிப்பின் வாசனை,
உளறிக் கொண்டிருக்கிறேன் உன் பெயரை
- என் கவிதைகளும், ஒரு பெண் கவிதையும்