உன் மௌனம்
உனக்கு மொழியாவதற்குள்
என்னைக் காதலித்துவிடு.
# நான், நீ மற்றும் என் காதல்

ஒரு பார்வையை வீசிவிட்டு போயேனடி,
மரணிக்கப்பட
என்னிடம் மீதமில்லை விரல் நகங்கள்.
# நான், நீ மற்றும் என் காதல்

இரண்டே இதழ்களுக்குள்
எப்படி ஒளித்து வைத்திருக்கிறாய்
எனக்கான ஆயிரமாயிரம் முத்தங்களை?
# உன் புகைப்படம்

கவிதைகளால் இணைந்த ஓவியம்,
ஓவியங்களால் இணைந்த கவிதை.
# உன் புகைப்படம்

எல்லைக் கோடுகளை
உடைக்க முனைகிறேன்,
நீயோ என்னை
தனித் தீவுகளில் சிறையிடுகிறாய்.
# என் காதல், உன் மௌனம்

உன் இதழ்கள்,
சொர்க்கத்தின் நகல்கள்.
உன் மௌனங்கள்,
நரகத்தின் நகல்கள்.
# என் காதல், உன் மௌனம்

கசங்காத மல்லிகைகள்
என்னை ஏளனம் செய்கின்றன.
# நம் தேன்நிலவு நாட்கள்