உன் கண்களை நேர்நோக்கிப் பேசும்
சக்தி எனக்கிருந்திருந்தால்
என்னிடம் இத்தனை
காதல் புலம்பல்கள் இருந்திருக்காதோ?

உனக்குத் தெரியாமல் நானும்,
எனக்குத் தெரியாமல் நீயும்,
நமக்காகக் காத்திருக்கிறோம்...

உன் வெட்கம் என்னும் மந்திரக்கோலில்
என்னை ஆட்டுவிக்கும்
ஒரு மந்திரக்காரி நீ ....

உன் பதில் 
மௌனமாய்த்தான் இருக்குமென்று தெரிந்தாலும்
உனக்கான என் கடிதங்கள் 
பேசிக்கொண்டேதான் இருக்கும்....

நம் பழைய புகைப்படங்கள்
புதிய சந்தோஷங்களை
உருவாக்குகின்றன ..............

நீ புது ஆடை அணியும்போதேல்லாம்
ஒரு புது அவதாரம் எடுக்கிறாய்,
உன்னுடைய அடுத்த அவதாரம் எப்போது?

நான் குழப்பத்தில் இருக்கிறேன்
நீ அழகாய் இருக்கிறாயா?
இல்லை
என் காதல் உன்னை அழகாய்க் காட்டுகிறதா?