என் நீயும், உன் நானும் ...

March 09, 2014

கவிதையில் முத்தங்களும்
முத்தத்தில் கவிதைகளும்
புதைந்தே போகட்டும்
# மறுபடியும் முதல் முப்பது நாட்கள்

காலை முழுதும் வரவுகள்
மாலை முழுதும் செலவுகள்
இரவெல்லாம் நஷ்டமும், இலாபமும்
# மறுபடியும் முதல் முப்பது நாட்கள்

மீண்டும் மலரட்டும் உன் வெட்கங்கள்
எடுக்கவும், தொடுக்கவும் நானே
- விடிந்து போன இன்னுமொரு தேனிலவு நாள்

உதிர்ந்த மல்லிகைகள்
மலர்ந்த நீ
காதலாய் நான்.
- விடிந்து போன இன்னுமொரு தேனிலவு நாள்

ஒரு பல்லவி, பல சரணங்கள்
ஒரு சரணம், பல பல்லவிகள்
இரவெங்கும், சங்கீத மழை
- இன்னுமொரு தேன்நிலவு நாள்

முழ மல்லிகை, முன்னுரை
உதிரி மல்லிகை, முடிவுரை
- இன்னுமொரு தேன்நிலவு நாள்

பாதைகள் மறைந்து போகட்டும்
நேரங்கள் மரித்துப் போகட்டும்
நாமும் தொலைந்து போவோம்
- இன்னுமொரு தேன்நிலவு நாள்