முன்னிரவில் வெட்கத்தையும்
பின்னிரவில் எனையம்,
உடுத்திக் கொள்ளும் உனக்கு
தனியே ஆடைகள் எதற்கு?

நீ, நான், நம் முத்தங்கள்
இவை போதும் இப்போதைக்கு.
மீதங்களை இனிவரும்
பிறவிகளில் ரசித்துக் கொள்ளளாம்.

முத்தங்கள் திருட வந்தவனுக்கு
வெட்கங்களும் இலாபமே.
# நான் ஒரு காதல் களவாணி.

ஓவியன் சிவக்க
ஓவியம் சிவக்க
தூரிகையும் சிவக்கிறது.
#உன் இதழ்கள், என் முத்தங்கள்.

இது
இரண்டாவது முதல் முத்தமா?
இல்லை
முதல் இரண்டாவது முத்தமா?
# உன் இதழ்கள், என் முத்தங்கள்.

வெட்கங்கள் படைக்கப்படுகின்றன
வெட்கங்கள் காக்கப்படுகின்றன
வெட்கங்கள் அழிக்கப்படுகின்றன
- இது ஓவியங்களின் ஓவிய நேரம்

சிவக்கும் ஓவியன்,
சிவந்த ஓவியம்,
வானவில் நிமிடங்கள்.
- இது ஓவியங்களின் ஓவிய நேரம்