செய்த பிழைகளை
புது பிழைகள் கொண்டு
சரி செய்வோமடி.
இதழ்கள் கடன் கிடைக்குமா?

நான் இருக்கையில்
உனக்கெதற்கடி எடை காணும் இயந்திரம்?
இடை காட்டு, உன் எடை சொல்கிறேன்.

உடைக்கு பதில், நான்
வெட்கத்திற்குப் பதில், முத்தங்கள்.
உடுத்திக்கொள்ள
இன்னும் ஏனடி தயக்கம்?
# இன்னுமொரு தேன்நிலவு நாள்.

அழகுகள் களவாடப்படும்
அழகான களவுகள்.
களவுகள் அழகாக்கப்படும்
களவான அழகுகள்.
# இன்னுமொரு தேன் நிலவு நாள்.

வெட்கத்தில் தொடங்கி
காதல் வரை முன்னிரவு.
காதலில் தொடங்கி
வெட்கம் வரை பின்னிரவு.
# இன்னுமொரு தேன் நிலவு நாள்.

வெட்கச் சிப்பியின்
முத்து மகள் நீ.
காதல் சிப்பியின்
முத்து மகன் நான்.
# இன்னுமொரு தேன் நிலவு நாள்.

முத்தங்களைத் திருடிக் கொள்,
இதழ்களை என்னிடமே விட்டுவிடு.
என்னைத் திருடிக் கொள்,
உன்னை என்னிடமே விட்டுவிடு.
# இன்னுமொரு தேன் நிலவு நாள்.