நான் இல்லாமல்
நீ தனியே நடந்துபோன பாதையிடம்
நாம் திரும்ப ஒன்றாக
நடக்கப்போகும் நாள் வந்துவிட்டது
என்று சொல்லிவை

என் கைகளுடன் ஒட்டியிருக்கும்
உன் கைரேகைகள்
இப்போது எப்படி இருக்கின்றன?
என் கைரேகைகள்
நலம் விசாரிக்கின்றன

நான் உன்னிடம் கொடுத்துவைத்த
என் மனது எப்படி இருக்கிறது?
அதனிடம் சொல்லு
நான் சீக்கிரம் வருகிறேன் என்று

நீண்ட நாளுக்கு
பிறகு உன்னைப்பார்க்கும்
என் கண்ணுக்கு
அழாமல் இருக்க சொல்லிக்கொடேன்

பூமிக்கு இயற்கை
காலத்தை நிர்ணயிப்பதைப்போல்,
எனக்கு நீ
காலத்தை நிர்ணயிக்கிறாய்

இலையுதிர் காலத்திலும் கூட
என் மரங்கள் பூக்களை
உனக்காகப் பூத்து வைக்கின்றன

நீ எனக்காக
வரும் வசந்த காலம்,
நீ வராமல் போகும் நேரம் எல்லாம்
என்னுடைய கோடை காலம்