முத்தங்களை ஒளித்து வைக்க
உன் இதழ்களில் இடமில்லையோ?
தாரள இடம் இருக்கிறது
என்னிடமும், என் இதழ்களிடமும்

முதல் முத்தம்
என் கன்னமெங்கும், உன் இதழ் வண்ணங்கள்
மறு முத்தம்
உன் கன்னமெங்கும், வெட்க வண்ணங்கள்

பிரம்மன் ஒரு இதழையும்
சிவன் மறு இதழையும் படைத்தார்களோ?
உன் ஒவ்வொரு முத்தத்திலும்
மரித்து மரித்துப் பிறக்கிறேன்

முத்த வரங்கள் தர
முத்தங்களையே காணிக்கை கேட்கும்
ஒரு வினோத தெய்வம் நீ

உன் இதழ் வண்ணங்களை
ஏனடி வீணடிக்கிறாய்?
என் இதழ் கூடத்திற்கு வா,
வானவில் வரையக் கற்றுத் தருகிறேன்

ஒரு முத்தம் பரிசு,
மறுமுத்தம் நிவாரணம்.
தானம் செய்பவள் நீ,
வறுமை பெற்றவன் நான்

ஒரு முத்தம் வாள்,
மறுமுத்தம் கேடயம்.
போரிடத் தெரிந்தவள் நீ,
தோற்கத் தெரிந்தவன் நான்