முதல் முத்தச் சண்டைகளில்
இரண்டாம் முத்தங்களுக்கு என்ன வேலை?
# இன்னுமொரு தேன் நிலவு நாள்

நம் இதழ் ரேகைகள்
தீர்மானிக்கட்டும்
இந்த இரவின் ஆயுளை.
# இன்னுமொரு தேன் நிலவு நாள்

முன்னிரவில்
வெட்கம் - உன் கூர் வாள்.
பின்னிரவில்
வெட்கம் - உன் கேடயம்.
# இன்னுமொரு தேன் நிலவு நாள்.

என்னெங்கும் உன் வாசம்,
இரவெங்கும் நம் வாசம்.
# இன்னுமொரு தேன் நிலவு நாள்.

உனக்கு எதற்க்கடி
நகச் சாயமும், உதட்டுச் சாயமும்?
வானவில் பெற்ற ஒரே இளவரசி நீதானடி.
# ஆகையால் நான் உன்னைக்  காதலிக்கிறேன்.

காதலால் சபிக்கப்பட்டேன்
நீ விமோச்சனம்,
உன்னால் சபிக்கப்பட்டேன்
காதல் விமோச்சனம்.
# ஆகையால் நான் உன்னைக் காதலிக்கின்றேன்.

மிகச் சாதாரணமாய்
இதழ் சுழித்துப் போகிறாய்,
அசாதாரண பூகம்பங்கள்
என் இருதயத்தினுள்.
# ஆகையால், நான் உன்னைக் காதலிக்கின்றேன்.